Заедно имаат 77 години, но и покрај тоа ќе потпишат нови договори со Јувентус

Италијанскиот голман Џанлуџи Буфон иако повеќе не е прв голман на Јувентус ќе го продолжи договорот со „старата дама“ на уште една година.

Тоа значи дека Буфон и следната сезона ќе го носи дресот на Јувентус, а тоа ќе му биде 19. сезона во клубот од Торино, објавија италијанските медиуми.

Оваа сезона Буфон беше резерва на Шчесни и собра 11 настапи.

Исто така не е исклучена можноста Буфон во иднина да превземе некоја функција во управата на Јувентус.

Како што објави Ди Марцио, италијанскиот експерт за трансфери Јувентус нема да се откаже и од услугите на 35 годишниот Киелини па и него ќе му го продолжи договорот.

Буфон и Киелини заедно имаат 77 години, легенди се на Јувентус и понатаму ќе продолжат да го носат дресот на „старата дама“.