Елмас: Додека не научев, мајка ми не ме пушташе да гледам фудбал

Македонскиот репрезентативец Елиф Елмас во интервју за „ДАЗН“ откри детали од детството, каде учењето морало да биде пред фубдалот.

Елмас откри дека неговата мајка не му дозволувала да гледа фудбал, додека не ги заврши обврските кон училиштето.

„Во Македонија многу се гледа италијански фудбал. Ми се допаѓаа Тоти, и Рома на Спалети како играше. Татко ми не гледаше фудбал, како и целото семејство. Размислуваа само на работата од утро до вечер. Сега имаат повеќе време затоа што нивните деца работат, семејството е тука со мене“, открива Елмас.

„Морав да научам за да можам да гледам фудбал навечер. Додека не научиш се, нема да излезеш од собата, велеше мајка ми. Дури и кога имаше Лига на шампиони, морав да учам“, изјави Елмас.