Донарума: Џиџи е број еден, ќе видиме до каде ќе стигнам јас

Џанлуиџи Донарума беше избран за МВП на Европското првенство и на италијанскиот голман му се предвидува фантастична кариера со оглед на тоа што има само 22 години и зад себе веќе има 250 натпревари.

Италија во него гледа вистински наследник на Џиџи Буфон, многумина уште сега ќе кажат дека има предиспозиции и да го надмине.

„Џиџоне е најсилен од сите. Мое е да го давам најдоброто на теренот и секогаш сум спремен…Џиџи е број еден, а до каде ќе стигнам јас ќе видиме“.

Донарума истакна дека сите се пресреќни.

„Неверојатно, неописливо, фантастично…Пресреќни сме. Комплетно ние сме еден фантастичен тим и заслужено славиме. Тоа што рано примивме гол можеше психички да влијае, но ние не сме селекција која се откажува. Секако не беше лесно, но ние бевме спектакуларни“, изјави Донарума.