„Доведувањето на Кавани за Јунајтед е очајнички потег“

Eдисон Кавани во последниот ден од преодниот рок потпиша договор со Манчестер Јунајтед и голем дел од навивачите од него имаат големи очекувања.

Сепак, искусниот Хари Реднап смета дека доведувањето на Кавани е очајнички потег да направи нешто после фијаското кое го доживеа против Тотенхем поразот од 1:6.

„Знам и јас да ризикувам понекогаш, но не како Манчестер Јунајтед. Нив им требаше некој после шокот од Тотенхем. Тоа што го доведоа на 33 години и му дадоа плата од 221.000 фунти неделно во последниот ден од преодниот рок за мене е очајнички обид“, изјави поранешниот стратег на Тотенхем.

Очекувањата се Кавани да дебитира против Њукасл на 17. октомври во Премиер лигата.