Динамо Загреб со Ристовски и Адеми ќе гостува во Скопје ако Шкупи го помине Линколн!

Денес се одржа ждрепката во Нион за второто квалификациско коло во Лигата на шампионите на која тимот на Шкупи го дозна својот можен ривал, а тоа ќе биде тимот на Динамо Загреб.

Шкупи во првото коло ќе игра проитив Линколн Ред Импс од Гибралтар, а ако помине второто коло ќе биде вистински спектакл. Добро позната е врската на Седлоски со Динамо Загреб, покрај тоа таму играат македонските репрезентативци Стефан Ристовски и Аријан Адеми.

Сепак, останува прво да се помине претставникот од Гибралтар кој сигурно не може да се сфати како лесен противник. Натпреварите од второто кол ово квалификациите се играат на 19/20 јули и 26/27 јули.

Ќе потсетиме, во случај Шкупи да биде елиминиран од Линколн оди во 2. Квалификациско коло во Лигата на Конференции.

Фото: ФК Шкупи