Пред репрезентацијата на Италија вечерва е реванш натпреварот против Шведска на „Сан Сиро“ во рамките од баражот за Светското првенство Русија наредната година.
Репрезентацијата на Шведска на домашен терен ги изненади Италијаните и запиша победа од 1:0, благодарение на голот на Јохансон.
Како екраните влијаат на детскиот развој? Разговор со дефектолог
Четирикратниот светски шампион после точно 59 години би можел да пропушти едно големо натпреварување. Навивачите се разочарани поради пристопот и чудните потези на селекторот Вентура. Помеѓу најгласните критичари беа и двете легенди на италијанскиот фудбал, Андреа Пирло и Алесандро Дел Пиеро.
„Италија изгледа многу преплашени, како секој натпревар да го игра на 0:0. Тоа во Европа едноставно не поминува. На селекторот ќе му биде тешко да ги подготви фудбалерите за овој натпревар“, изјави Пирло.
Слично мислење на ова на Пирло имаше и уште еден легендарен напаѓач, Алесандро Дел Пиеро.
„Ниту еден напаѓач не игра лошо, но веројатно постои проблем во нивните глави и менталитетот“, изјави Дел Пиеро кој со Италија го освои Светското првенство во 2006 година.
Интересно е што Италија во историјата никогаш не загубила кога играла на „Сан Сиро“, но вечерва на Шведска и е доволен и нерешен резултат.
Учество во игри на среќа е дозволено за лица со 18+ години. Играј одговорно!