Два клуба во игра за Нестор – го напушта Удине, но останува во Италија

Репрезентативецот на Македонија, Илија Несторовски како што стојат работите ќе си замине од Удинзе по четири години поминати во овој калчолигаш.

Италијанските медиуми пренесуваат дека Нестор иако заминува од Удине и понатаму ќе остане на Апенините. Според информациите засега најсериозни во намерата да го доведат се два клуба.

Поранешниот клуб на Несторовски каде што го играше веројатно најдобриот фудбал во кариерата, Палермо сака да го врати. Покрај Палермо во игра била и Парма која сака да го засили својот напад.

Палермо и Парма се дел од Серија Б и во наредната сезона ќе имаат амбиции да се вратат во Серија А.

Преодниот рок е блиску, па наскоро ќе дознаеме каде Нестор ќе одлучи да продолжи.