Гундоган: „Сега со насмевка можам да се вратам дома“

Репрезентацијата на Германија во четвртокот во Минхен ремизираше против Франција (0:0) во првиот натпревар од Лигата на нациите.

Германија пред своите навивачи го одигра првиот натпревар по катастрофата на Мундијалот, но избраниците на Јоаким Лев имаат голема поддршка. Во центарот на вниманието на средината на второто полувреме беше Илкај Гундоган кој повторно доби свирежи од трибините, но овој пат аплаузите тоа го победија.

Гундоган и Озил се најдоја на метата на навивачите поради сликата со Ердоган, а по свирежите и навредите од трибините, Озил се збогуваше од националниот дрес. Од другата страна, Гундоган продолжи да игра за Германија и по натпреварот изјави дека е среќен што ги слушнал аплаузите од трибините кога влегуваше во игра.

„Бев нервозен кога се загревав. Не ми беше страв, но едноставно имав нервоза, бидејќи не знаев што да очекувам. Бев многу среќен кога ги слушнав аплазуите, а свирежите ги игнорирав. Им возвратив со аплауз и бев среќен. Сега со насмевка можам да се вратам дома“, изјави Гундоган.