Гризман го „пецна“ Куман: Дешамп знае каде да ме постави

Антоан Гризман синоќа во Загреб одигра добар меч за репрезентацијата на Франција и постигна гол во победата над Хрватска.

Напаѓачот на Барселона го постигна 33 гол за националниот тим со што се зацврсти на петтото место на вечната листа.

„Мислам дека ова беше еден од моите најубави голови. Се чуствувам добро, тренерот знае на која позиција да ме постави. Јас придонесувам повеќе кога чувствувам доверба од тренерот“, изјави Гризман.

Овие зборови на Французонот медиумите ги протолкуваа како напад врз тренерот на Барселона, Роналд Куман, кој го става Гризман на десното крило, а не како централен напаѓач.