Во второто коло од групната фаза на Лигата на шампионите, Арсенал загуби на гостувањето кај француски Ленс и покрај тоа што водеше со голот на Габриел Жесус во 14. минута.
Адриен Томассон и Ели Вахи донесоа пресврт за домаќините, а вистинските проблеми за Топџиите започнаа во 34. минута кога нивниот најдобар играч Букајо Сака мораше да ја напушти играта.
Традицијата продолжува, се трансформира - Pinko Crafts ↓↓↓
По натпреварот, навивачите на Арсенал дознаа потенцијално многу лоши вести. На прашањето како е Сака и што се прогнозира, тренерот на лондонскиот тим, Микел Артета, кратко прокоментира: „Не изгледа добро“. Тоа би било огромен удар за Арсенал, кој викендов игра дерби против Манчестер Сити.
Потоа следува одмор резервиран за репрезентациите, а во првиот натпревар потоа Арсенал ќе гостува кај Челзи. Сака сезонава има пет гола и исто толку асистенции на десет настапи во сите натпреварувања.
Учество во игри на среќа е дозволено за лица со 18+ години. Играј одговорно!