Видео: Дербито во Милано без голови, Рома му одолеа на лидерот

Големото дерби помеѓу Интер и Рома во рамките на 15-то коло од Серија А заврши без победик, но и без голови.

Така Интер ја пропушти шансата да ја зголеми предноста пред Јувентус, а „бјанконерите“ утре ќе имаат шанса повторно да се вратат на врвот.

Во првиот дел Интер се закани преку Лукаку и Лаутаро Мартинез, но голманот на „волчицата“ беше на висината на задачата.

Во 39-та минута Бираги падна во казнетиот простор после дуелот со Спинацола, но судијата и ВАР не покажаа на белата точка.Во вториот дел гледавме спорадични закани на двете страни, но мрежите мируваа.