Видал го напушти тренингот на Барселона кога слушна дека нема да биде стартер

Откако дозна дека нема да биде во стратниот состав за „Ел Класико“, Артуро Видал демонстративно го напуштил тренингот на Барселона, пренесува „ЕСПН“.

Обично, 32-годишниот Чилеанец останува подолго на тренинзите, но овој пат „полудел“ кога разбрал дека нема да биде во стартниот состав за дербито.

Неколку играчи се обиделе да го утешат, но Видал не се смирил и го напуштил тренингот.

Оваа ситуација може може да ја искористи и тренерот на Интер, Антонио Конте, кој веќе подолг период е заинтересиран за Видал, па во јануари можат да тргнат со преговори за негов трансфер.

Видал минатиот месец изјави дека не се чувствува важен во Барселона и дека е време да ја промени средината, а оваа ситуација може да ја „прелие чашата“.