Вест Хем го спасува Јунајтед и го купува Мегваер

Вест Хем е подготвен да испрати официјална понуда до Манчестер Јунајтед за Хари Мегваер, тврдат медиумите на Островот. 

Мегваер пристигна како огромно засилување на „црвените ѓаволи“ на „Олд Трафорд“ во 2019 година во трансфер вреден рекордни 87 милиони евра, но никогаш не ги оправда очекувањата.

Тој остана запаметен по катастрофалните грешки во одбраната, па Манчестер Јунајтед сака да се ослободи од него, а Вест Хем сега е спремен да плати 45 милиони фунти.

Менаџерот Дејвид Мојс сака да ја засили одбраната и најголема желба е токму Мегваер, а Вест Хем после продажбата на Рајс има финансиска моќ.