ФИФА на познат клуб му забрани трансфери на играчи до следната година

Бразилците сега најавуваат дека ќе се обидат што побрзо да постигнат договор со Американците, што е предуслов ФИФА да ја скрати нивната забрана за трансфери.

ФИФА му забрани на бразилскиот клуб Ботафого трансфери на играчи до јануари 2027, а причината е неплаќање на дел од отштетата на американскиот клуб Атланта Јунајтед за трансферот на Тиаго Алмада во 2024 година.

Ботафого требало да плати на Атланта 27 милиони евра отштета за трансферот на Аргентинецот. Американците се пожалија тогаш затоа што Бразилците не ја исполниле целосната сума, а ФИФА одговорила со забрана за трансфери за клубот од Рио де Жанеиро.

Алмада не играше долго во Рио, оваа година клубот го испрати на позајмица во францускиот клуб Лион, а сопственик на двата клуба е Американецот Џон Текстор.

Бразилците сега најавуваат дека ќе се обидат што побрзо да постигнат договор со Американците, што е предуслов ФИФА да ја скрати нивната забрана за трансфери.