Вернер пред трансфер на Островот: Нема да игра за Лајпциг во Лига на шампиони

Изминатите денови медиумите пренесоа дека Челзи успеал да го „украде“ Тимо Вернер пред носот на Ливерпул и трансферот е пред реализација.

Челзи одлучи да ја активира откупната клаузила на Вернер која изнесува 60 милиони евра и да го донесат на „Стенфорд Бриџ“.

Трансферот официјално не е потврден бидејќи Челзи пред да ја плати клаузулата сака Вернер да ги помине деталните лекарски прегледи, а тоа ќе се случи во следните недели.

Угледниот весник „Билд“ пренесува дека Вернер веќе донел одлука за трансферот, па нема да биде во тимот на Лајпциг за Лигата на шампиони.

Лајпциг се пласираше во четвртфиналето од Лигата на шампиони која оваа година ќе се доигра во август, но Вернер тогаш веќе ќе биде играч на Челзи.

*** BILDplus Inhalt *** Hammer-Plan vor Wechsel – Timo Werner in Champions League nicht mehr für RB! https://t.co/VzKCndggBh #Sport #News

— BILD Sport (@BILD_Sport) June 15, 2020