Валверде даде ветување: Еве што ќе направи ако ја освои ЛШ

Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли.

Бројни фудбалери на мадридскиот тим дадоа интервјуа во пресрет на новата борба за европската титула, а меѓу нив е и уругвајскиот играч за врска Феде Валверде (25), кој зборуваше за The Residency.

Меѓу другото, тој рече дека играњето со Тони Крос, кој заминува во пензија по Европското првенство, „било остварување на сонот“, а исто така верува дека Реал никогаш нема да има капитен како Серхио Рамос, сега член на Севиља.

Тој рече дека би сакал еден ден да биде капитен на својот тим и им вети на навивачите што ќе направи доколку ја победат Борусија Дортмунд.

„Ако ја освоиме Лигата на шампионите, ќе ја обојам косата во бела боја“, изјави Валверде, кој веќе има слична фризура во последните години.