Брозовиќ го бркаат од Интер, тој веќе си најде нов клуб

Фудбалерот на Интер, Марсело Брозовиќ беше главен виновник за поразот од Сампдорија, па веднаш започна кампања на навивачите кои сакаат да го „избркаат“ од клубот.

Навивачите не престануваат со критики на адреса на Брозовиќ и сакаат Хрватот што поскоро да си замине од „Џузепе Меаца“.

Изгледа до таков расплет ќе дојде во летниот преоден рок, бидејќи според информациите од италијанските медиуми Брозовиќ веќе си нашол нов клуб.

Хрватот на Инстаграм почна да ја следи страната на Манчестер Јунајтед, што веднаш беше повод за медиумски шпекулации.

Веднаш почнаа да се поврзуваат сториите дека Жозе Мурињо неодамна беше во Загеб да го гледа токму Брозовиќ и дека „црвените ѓаволи“ веќе оствариле контакт со неговиот агент.