Брера се раздели со Италијанецот Валенти!

Tимот на Брера Струмица му врачи отказ на тренерот Џовани Валенти поради лошите резултати.

Отказот за Валенти дојде по поразот од Работнички во минатото коло. Заминувањето на италијанскиот тим го потврди клубот преку соопштение.

„Управата на „Брера Струмица“ спогодбено го раскина договорот со шефот на стручниот штаб Џовани Валенти кој од денес нема да го предводи првиот тим. Раководството на клубот на овој чекор се одлучи согласно постигнатите резултати на сениорскиот состав  во Првата фудбалска лига на Македонија од стартот на сезоната кои не се вклопија во амбициите и стратегијата на клубот.

По извршените разговори и анализа на постигнатите резултати, со ваквата одлука се согласи и италијанското трио предводен од Џовани Валенти кои во Струмица пристигна со асистентот Микеле Кавали како и тренерот на голманите Алесандро Пегорари“, стои во соопштението на Брера.