Барселона објави кога Кутињо ќе се врати на терените

Фудбалерите на Барселона пред неколку дена на свој терен ремизираа со Еибар (1:1), а натпреварот го обележа повредата на Фелипе Кутињо.

Бразилскиот играч за врска се повреди во самиот финиш од натпреварот и не беше во состојба да го продолжи натпреварот. Кутињо се пожали на болка во коленото, а после прегледите беше утврдено дека станува збор за скршеница на латералниот менискус.

Веднаш стана јасно дека потешка повреда е во прашање. Денес Барселона потврди дека операцијата на Кутињо поминала во најдобар ред и најави негово враќање за три месеци. Ова значи дека Бразилецот би можеле да го видиме на теренот некаде кон почетокот на април.

MEDICAL UPDATE | @Phil_Coutinho has been successfully operated on for the injury to his left meniscus. He will be out for approximately three months. pic.twitter.com/9feWtDghIJ

— FC Barcelona (@FCBarcelona) January 2, 2021