Баселона следното лето би можела комплетно да го промени своето лице, па покрај враќањето на Лапорта на претседателската функција, би можело да пристигне и директорското дуо од Јувентус, Марота – Паратичи.
Големите трансфер промашувања и лошата трансфер политика од претходните години ќе значи дека комплетниот спортски дел предводен од директорот Фернандез ќе мора да замине.
Како е да се биде професионален Counter-Strike играч! ↓↓↓
Како што пренесуваат каталонските медиуми, Лапорта, кој е најсериозен кандидат за претседател, сака да го донесе директорското дуо од Јувентус, Марота – Паратичи.
Марота и Паратичи се архитекти на овој Јувентус, а познати се по тоа што не трошат многу пари за доведување на играчи, односно играчите ги плаќаат според нивната реална вредност.
Паратичи важи за еден од најдобрите скаути во Европа и откривање на млади таленти, па Барселона со ова директорско дуо комплетно ќе го промени системот на работење.
Двајцата се во Јувентус веќе седум години, откако дојде на претседателската функција Андреа Ањели, кој денес беше именуван за претседател на Фудбалската асоцијација на клубови.
Италијанските медиуми тврдат дека понудата од Барселона ќе ги заинтригира директорите и многу е веројатно дека ќе прифатат да се преселат на „Камп Ноу“.