Артета стравува: Чека резултати од магнетна резонанца на еден од најважните фудбалери

Aрсенал вчера беше поразен од Манчестер Сити на „Итихад“ во четвртата рунда од ФА Купот (1:0), но по овој натпревар Микел Артета доби и уште една лоша вест.

Имено, Томас Парти не го доигра натпреварот и се пожали на болки во грбот. Стравувањата се дека можеби во прашање е повреда на ребрата која би го одалечила подолг период од терените.

Парти е еден од најважните играчи во ростерот на Артета и шпанскиот стратег е во исчекување на информациите за неговата повреда.

„Томас почувствува болка во ребрата и не сакавме да ризикуваме, затоа беше заменет. Тоа што го почувствува стануваше полошо и полошо. Ќе мораме да направиме магнетна резнонанца да видиме за што станува збор“, изјави Артета по мечот.