Артета по поразот на Арсенал од Виља: Сега е моментот

Каков викенд за Манчестер Сити. Граѓаните го декласираа Лутон со 5:1 и, се чинеше, барем привремено го зазедоа првото место во Премиер лигата.

Но, во неделата се случија две мали чуда. Прво Ливерпул загуби дома од Палас со 1:0, а потоа и Арсенал со 2:0 на домашен терен од Астон Вила. Двата гола во Лондон дојдоа во самата завршница. Прв погоди Бејли во 84. минута, а три минути подоцна погоди и Воткинс.

Уште два пати гостинските играчи ја погодија рамката од противничкиот гол. Во 39. минута Воткинс ја погоди стативата, додека во 62. Јури Тилеманс ја погоди гредата, а потоа топката се одби од стативата. Голем број на шанси имаа и домашните, но не беа прецизни Каи Хаверц, Габриел Жесус, Леандро Тросард и Букајо Сака.

Сити сега е на врвот со 73 бода, додека Арсенал и Ливерпул имаат два бода помалку. Секоја екипа има шест натпревари до крајот.

„Две сосема различни полувремиња. Првото врвно, едно од најдобрите полувремиња што ги одигравме против врвен тим. Требаше да постигнеме три или четири гола. Можеби повеќе. Не успеавме и тоа се одрази во вториот дел.

Ни недостигаше моментум, немавме проток како во првите 45 минути, а потоа примивме два наивни гола“, изјави тренерот на Арсенал, Микел Артета по натпреварот, а потоа испрати порака до своите играчи да се вратат во играта за титулата и да ја спасат сезоната.

„Не можеме да контролираме што ќе прави Сити. Она што можеме да го направиме е да победуваме. Продолжете да победувате. Сега е моментот. По овој пораз мора да реагираме. Првата шанса да реагираме веќе во среда против Баерн во ЛШ. Тимот треба да се покаже таму. Ако сакаме да победиме, мора да ги надминеме овие ситуации. Cега се е до тоа како ќе реагираме. Сè уште е под наша контрола“.