Анчелоти ја менува формацијата: Еве како ќе изгледа Реал Мадрид во новата сезона

Реал Мадрид веќе неколку години наназад работи на подмладување на тимот, па затоа пристигнаа Џуд Белингам и Арда Ѓулер ова лето.

Според шпанските медиуми, Карло Анчелоти планира промени токкму во средниот ред и Италијанецот би можел да се откаже од својата досегашна формација (4-3-3).

Во разговор со претседателот на клубот Флорентино Перез и директорот Хозе Анхел Санчез, Италијанецот претставил своја идеја за формација 4-4-2. Веќе се најавува и како тимот би изгледал.

Куртоа би бил на голот, како и досега, немаше дилема, додека одбраната нема да претрпи промени во квантитативна смисла. Стопери ќе бидат Милитао и Алаба, по десно ќе дејствува Карвахал, а лево шанса треба да добие Фран Гарсија.

Прилично млада и моќна четворка на средината на теренот ќе ја сочинуваат Чуамени, Валверде, Камавинга и Белингем, па треба да очекуваме намалена минутажа на Модриќ и Крос. Ќе видиме како ќе се снајде 18-годишниот Ѓулер во целата приказна.

Доаѓањето на искусниот Хоселу ги натера навивачите на Реал да размислуваат кој ќе биде во нападот, но тандем од најистурени играчи ќе бидат Бразилците Винисиус и Родриго кои до сега беа поактивни по крилните позиции.

Секако, тоа не значи дека Анчелоти се откажал од 4-3-3, бидејќи така ќе изгледа Реал секогаш кога Хоселу ќе стапне на теренот, што веројатно нема да биде толку често на почетокот. Но да оставиме простор затоа што преодниот рок е се уште отворен, а тука се и шпекулациите за Мбапе…