Англиските новинари открија: Колку цигари на ден пуши Маурицио Сари?

Маурицио Сари, новиот тренер на Челзи, тешко може да се откаже од старите навики, а тоа е конзумирање на никотин.

Италијанецот во Челзи пристигна од Наполи, а сега доби наредба да почне да носи костум и да престане да пуши. Правилата во Британија се такви дека Сари нема да има прилика за време на натпревар да запали цигара, а во Наполи имаше дури и просторија на стадионот во која пушеше цигари.

Сега Сари ќе мора малку да се смири, но прашањето е како ќе се откаже од тоа задовослтво. Педантните англиски новинари открија дека Сари дневно пуши повеќе од 80 цигари, во просек по пет на час.

Сари сепак има поголема грижа, а тоа е како да го подигне нивото на игра на Челзи и како да го врати овој тим во самиот врв на англискиот фудбал, откако што минатата сезона клубот остана без пласман во Европа. Сари им вети на навивачите „забавен фудбал“, но исто така им вети дека ќе направи се само да освои трофеи.