Алексис Санчез вчера конечно стана нов фудбалер на Манчестер Јунајтед. Мурињо успеа да му го земе од раце засилувањето на градскиот ривал, Манчестер Сити, а во тоа му помогнаа, нормално парите.
Јунајтед испрати понуда која неможе да ја одбие Арсенал, но и понуда за Чилеанецот кој од вчера стана најплатен играч во Премиер лигата.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во трансфер пакетот во спортивен правец на Емирати замина Мхитерјан, а кога се пресмета неговата вредност(околу 35. милиони фунти), како и паричниот надомест за Алексис и неговите застапници, може да се заклучи дека трансферот на Санчез ги чинеше Црвените ѓаволи околу 60 милиони фунти.
Меѓутоа, она што пресуди во реализација на трансферот е сигурно договорот кој Санчез го потпиша со Јунајтед. Тој на Олд Трафорд ќе остане до 2022. година, а ќе заработува неверојатни 500.000 фунти неделно, односно 26 милиони фунти годишно.
Доколку наводите на англиските медиуми за висината на примањата на Алексис се точни, Чилеанецот е убедливо најплатен фудбалер во Премиер Лигата. Втор на листата најплатени фудбалери е неговиот соиграч Пол Погба, кој заработува “само” 290.000 фунти неделно.
Учество во игри на среќа е дозволено за лица со 18+ години. Играј одговорно!