Паоло Бертолучи, поранешен италијански тенисер, е загрижен за Матео Беретини.
Беретини се бори со повреди веќе неколку години, односно отприлика од кога стана шести тенисер на светот на почетокот на 2022 година.
Дејан Димовски: Скопје троши 700 литри вода дневно по жител | Уште еден поткаст ↓↓↓
Во моментов е на 57 место, а во последните четири меча двапати мораше да се откаже, додека на Вимблдон беше поразен во пет сета од Камил Мајхшак.
“Вистината е дека неговата кариера е осакатена од постојаните повреди, но во вториот дел од минатата сезона беше здрав и полн со самодоверба. За жал, реалноста беше поинаква од таа на која се надеваше. Сега е впечатокот дека тој не страда веќе само од физички проблеми”, рече Бертолучи за неговиот сонародник.
Дваесет и деветгодишникот од Рим има доволно време пред него да ја врати кариерата таму каде што беше кога, во периодот меѓу почетокот на 2021 и крајот на 2022 година, играше четвртфинале на Ролан Гарос, полуфинале на Австралија Опен и финале на Вимблдон.
Сепак, некогаш 12. тенисер на светот е исплашен.
„Мрачни сенки се надвиснале над иднината на Матео. Тој се бори со физички и ментални пречки пред влез во своите 30-ти години. Во моментов, не можеме ништо да заклучиме за него. Сè е мирно. Но, многу е можно да се појави опција предвремено да ја заврши кариерата“, објасни Бертолучи.
Фотографија: Принтскрин
Учество во игри на среќа е дозволено за лица со 18+ години. Играј одговорно!