Норвешкиот напаѓач Ерлинг Хааланд на натпреварот од четвртфиналето на ФА Купот против Борнмут се повреди поради што со помош на штаки мораше да го напушти стадионот Виталити.
Хааланд ја напушти играта во текот на второто полувреме веднаш по постигнатиот изедначувачки гол, а за тоа e “виновен” Луис Кук кој падна врз неговиот скочен зглоб и го повреди.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
По влезот на лекарската екипа, се сигнализираше дека не може да продолжи со натпреварот, па наместо него во игра влезе Омар Мармуш кој три минути подоцна постигна и победнички гол, носејќи ги Граѓаните во полуфиналето каде го чека Нотингем Форест.
Erling Haaland seen leaving Bournemouth in a protective boot and crutches. 🤕
— City HQ (@City_HQs) March 30, 2025
🎥 via celebstarclips on TikTok. pic.twitter.com/ss0ck4baK8
“Не знам уште ништо, ќе мора да видиме”, беше првата реакција на менаџерот на Сити, Пеп Гвардиола по повредата на норвешкиот напаѓач.
Дека станува збор за сериозна ситуација сведочи и видеоматеријалот што кружи на социјалните мрежи и кој “вклучи” алармите во екипата на Граѓаните, затоа што Хааланд со помош на штаки го напушташе стадионот Виталити.
Дали станува збор за посериозна повреда, ќе ни биде појасно наскоро.
Учество во игри на среќа е дозволено за лица со 18+ години. Играј одговорно!