ВИДЕО Судија се онесвести на ракометен натпревар во ЛШ. Неговиот партнер судеше сам

Ракометниот тим на Веспрем беше домаќин на Спортинг во 12. коло од групата А од ракометната Лига на шампиони. Во возбудлив натпревар Унгарците победија со 33:32, а решавачкиот гол го постигна Гашпер Маргуч од седмерец.

Веспрем по оваа победа го потврди првото место во групата на две кола до крајот на групната фаза. Моментално водат со 22 бода, шест повеќе од второпласираниот ПСЖ, додека Спортинг е трет со 15 бодови.

За жал, натпреварот не го одбележа самиот ракомет, туку судијата Јеспер Мадсен, кој се онесвести на крајот од првото полувреме и повеќе не можеше да го продолжи натпреварот.

Данскиот судија по неколку моменти се освести, но по пет минути асистенција беше изнесен од салата на носилки.

Остатокот од натпреварот го судеше неговиот судиски партнер Мадс Хансен.

🚑🇪🇺

L'arbitre du match entre Veszprém et le Sporting Portugal a fait un malaise pendant le match et a été évacué.

L'autre a arbitre a arbitré la minute restante seul

Après la MT les joueurs sont actuellement à l'échauffement.#Handball #ehfcl pic.twitter.com/rwq3eF3rvy

— Intervalle Handball (@HandIntervalle) February 20, 2025