Вакво нешто не се памети: Го започнаа натпреварот во едни дресови, го завршија во други (Видео)

Една од најчудните ситуации од фудбалските терени доаѓа од Саудиска Арабија, каде што во 21-то коло силите ги одмерија Ал Ријад и Ал Раед.

Имено, двете екипи го започнаа натпреварот во бели дресови и поради тоа во ТВ преносот беше невозможно да се разликуваат, па гостите во продолжението се одлучија на неверојатен потег.

Ги заменија белите дресови со црвени и со нив го продолжија натпреварот и успешно го привршија до крај.

Инаку, Ал Раед го победи Ал Ријад со резултат 3:1, а стрелци за гостите беа Ал Амри, Ел Беркауі и Сајуд, додека за домаќините точен беше Тозе.

Ал Раед моментално се наоѓа на 16-то место со 17 бодови од 22 одиграни натпревари, додека Ал Ријад е на осмото место со 30 освоени бодови.