Ужас за Баерн, јапонскиот фудбалер доживеа скршеница на десното стапало за време на натпреварот

Фудбалерот на Баерн и јапонскиот репрезентативец Хироки Итo нема да игра до крајот на сезоната, бидејќи повторно доживеа скршеница на коска на десното стапало, соопшти тимот од Минхен.

Ито се повреди на вчерашниот натпревар од 27-то коло од Бундеслигата помеѓу Бајерн и Санкт Паули (3:2). Тој влезе во игра во 58-та минута, но поради повредата мораше да го напушти теренот во 89-та минута.

Во соопштението на Баерн се наведува дека јапонскиот фудбалер поради повредата подолг период ќе отсуствува од теренот.

Ито (25) дојде во Баерн во јуни минатата година од Штутгарт. Тој во јули минатата година на подготовките на минхенскиот клуб ја доживеа скршеницата на метатарзалната коска поради што оваа сезона одигра само осум натпревари за Баерн.

ℹ️ Хироки Ито доживеа скршеница на метатарзалната коска.

Побрзо закрепнување, Хироки! Сите сме со тебе ❤️🤍 pic.twitter.com/1npLI02kVK

— FC Bayern (@FCBayernEN) March 30, 2025