Лоши вести за Денвер Нагетс. Клубот официјално соопшти дека Арон Гордон заработи истегнување на задниот мускул од втор степен на десната нога и ќе мора да паузира најмалку четири до шест недели. Повредата се случи во дуелот против Хјустон, каде одигра само три минути пред да го напушти теренот.
Пред повредата, Гордон имаше една од најдобрите сезони во својата кариера – со просечно 18,8 поени и 5,9 скокови по натпревар, како и одлични 44,4% шут за три поени. Денвер ќе ја преоцени неговата состојба по неколку недели, а враќањето на теренот ќе зависи од напредокот на рехабилитацијата.
Од лозје до чаша: Уметноста на виното со Теодор Бојаџиев | Уште еден поткаст
Овој изостанок сериозно ја нарушува ротацијата на шампионите на НБА лигата. Гордон беше клучна поддршка зад Никола Јокиќ, особено во одбраната и транзицијата, каде што неговиот атлетизам правеше голема разлика. Сега, тренерскиот тим ќе треба да најде нови решенија, а повеќе минути би можеле да добијат играчи како Пејтон Вотсон, како и дополнително оптоварување за останатите од стартната петорка.
Пред Нагетс стои сериозен тест, не само во резултатски туку и во карактерен аспект, бидејќи во следните недели ќе треба да надокнадат сè што Гордон носеше на двата краја на теренот.
Учество во игри на среќа е дозволено за лица со 18+ години. Играј одговорно!