Одличната сезона на Кристијан Пулишиќ во дресот на Милан се соочи со нова пречка. Американскиот репрезентативец и херој на неодамнешната победа во дербито против Интер почувствувал мускулна нелагодност на тренингот во среда и многу веројатно ќе го пропушти претстојниот натпревар од првенството против Лацио, потврди тренерот Масимилијано Алегри, пишува „Goal.com“.
На прес-конференцијата пред натпреварот, Алегри истакна дека Пулишиќ “веројатно нема да игра”, но остави мала можност за промена бидејќи до натпреварот остануваат уште два дена. Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од проблеми со тетивата на коленото. „Пулишиќ веројатно нема да игра, иако до натпреварот има уште два дена и сè може да се случи“, изјави Алегри.
Од лозје до чаша: Уметноста на виното со Теодор Бојаџиев | Уште еден поткаст
Ваквата ситуација е посебно фрустрирачка за Милан, бидејќи Пулишиќ штотуку се врати во полна форма по повредата здобена за време на репрезентативните обврски во октомври. Во игра се врати како замена во ремито против Парма на 8 ноември, за да на 23 ноември биде стартер и стрелец на победничкиот гол во големото дерби против Интер.
И покрај тоа што пропушти четири натпревари, Пулишиќ оваа сезона е клучен играч на Милан со седум голови и две асистенции во само 10 настапи во сите натпреварувања.
Учество во игри на среќа е дозволено за лица со 18+ години. Играј одговорно!