Официјално денес е постигнат договор помеѓу ГФК Тиквеш 1930 АД Кавадарци и ФК Залаегерсег од Унгарија за крилниот напаѓач Даниел Миловановиќ. Миловановиќ е дете на ГФК Тиквеш кои ги помина младинските категории на овој клуб. Тој ќе потпише договор на една година како позајмен играч од Унгарскиот прволигаш. Официјална промоција на фудбалерот се очекува во наредните денови.

Tимот на Залаегерсег се засили со уште еден Македонец. Откако неодамна за нив потпиша Никола Серафимов, сега го завршија и трансферот на поранешниот младински репрезентативец Даниел Миловановиќ кој како и Серафимов доаѓа од Академија Пандев. Кога во прашање е Унгарија од наредната сезона таму ќе игра и Стефан Јевтовски кој од Работнички направи трансфер во редовите на Ујпешт.