Судијата казнет за тоа што му го направи на Лионел Меси на крајот од мечот

Неодамнешниот натпревар меѓу Интер Мајами и Спортинг Канзас Сити, во осминафиналето на Лигата на шампионите во КОНКАКАФ, предизвика реакции поради постапките на судискиот тим кон Лионел Меси!

По тој натпревар, во кој тимот од Флорида оствари тесна победа од 1-0, судијата Марко Антонио Ортиз ја искористи можноста да му пријде на Меси и да му побара автограм на теренот.

Ова резултираше со казна што му беше изречена од КОНКАКАФ, а во соопштението се вели:

КОНКАКАФ е информиран за интеракцијата што се случила помеѓу судијата Марко Антонио Ортиз Нава и играчот Лионел Меси по последниот судиски свиреж на синоќешниот натпревар помеѓу Спортинг Канзас Сити и Интер Мајами во Лигата на шампионите на КОНКАКАФ.

По прегледот на снимките, КОНКАКАФ утврди дека судијата му пришол на играчот за да побара автограм за член на семејството со посебни потреби. Постапките на судијата не се во согласност со Кодексот на однесување на службените лица и утврдените процедури во однос на таквите барања.

Судијата ја призна грешката, се извини за инцидентот и ги прифати дисциплинските мерки изречени од Конкакаф.