Стигна потврда: Астон Вила без еден од најважните фудбалери три натпревари

Фудбалскиот клуб Астон Вила денес потврди дека жалбата за црвениот картон на Џон Дуран беше одбиена.

Како што е познато, Дуран доби црвен картон на гостувањето кај Њукасл, во поразот со резултат 3:0.

Вила поднесе жалба, но таа беше одбиена, па така суспензијата од три натпревари останува во сила.

Дуран ќе ги пропушти натпреварите со Брајтон и Лестер, како и со Вест Хем во ФА купот на 10 јануари.

Колумбискиот напаѓач ќе биде достапен за Унај Емери за гостувањето кај Евертон на 15 јануари.

Добра вест за Вила е дека Оли Воткинс се опорави од полесна повреда и ќе биде достапен за наредните натпревари.