Србија ја чека казна пред мечот против Албанија!?

По скандалозните настани на стадионот „Рајко Митиќ“, речиси е сигурно – Србија ќе ја пречека Албанија пред празни трибини.

Фудбалскиот сојуз на Србија ја одработи казната против Англија – намален капацитет за 15 проценти – но сега се заканува нова санкција.

Според информации од „Спорт клуб“, лошата организација на натпреварот, во вторникот навечер, би можела да донесе санкција во форма на ново затворање на трибините. Тепачката на трибините, навредливите скандирања, традиционално блокираните патеки – се повеќе од загрижувачки фактори во очекување на одлуката од Нион.

Иако вложија максимални напори во организацијата на натпреварот, српскиот фудбалски дом повторно се соочува со проблеми. Иако не можеше да влијае на најлошите сцени на најголемиот српски стадион и претепувањето на навивачите на својата репрезентација, но и јасно предупреди на можноста за потенцијална казна.