Снимката која го расплака Дончиќ: Мислев дека нема да можам да играм (Видео)

Лука Дончиќ се скрши и заплака додека гледаше видеото што му го подготвија во Далас по неговото враќање, а после натпреварот призна дека не знае како воопшто успеал да го одигра натпреварот..

Словенецот беше пречекан на неверојатен начин, бидејќи сите навивачи на Далас во салата носеа маици со натпис на словенечки “Лука, благодарам за сè”, а мнозинството од нив исто така носеа транспаренти со благодарност до Дончиќ.

“I don’t know how I did it. Because when I was watching that video, I was like, ‘There’s no way I’m playing this game.'”

Luka Doncic after dropping 45 PTS in his emotional return to Dallas with the Lakers ❤️ pic.twitter.com/dJb1GFCT0n

— ESPN (@espn) April 10, 2025

Пред официјалното претставување на играчите на големиот видеоекран во салата беше прикажано триминутно видео за благодарност на Дончиќ за сè што направил за Маверикс во последните седум години, а Лука не можеше да ги сокрие солзите додека ги слушаше овациите од трибините.

“Сите видоа како реагирав на снименото. Сите овие навивачи, многу го ценам тоа. Моите соиграчи… сите ми беа поддршка, среќен сум. Ги сакам овие навивачи и овој град, но време е да се продолжи понатаму”, рече Дончиќ во првата изјава, додаде:

“Толку многу емоции, не можам ни да ги објаснам. Очите ми се насолзија. Во Далас дојдов како момче, со само 18 години. Тука се чувствував како дома. Имам многу убави спомени”, додаде Дончиќ.