Македонските претставници во европските клупски натпреварувања ги приведуваат подготовките при крај, а поголемиот дел од нивните мечеви ќе се одиграат на националната арена „Тодор Проески“ во Скопје.
Шкендија, како шампион на Македонија, ќе се натпреварува во квалификациите за Лигата на шампионите, каде што во првото претколо ќе се соочи со велшкиот првак ТНС. Првиот натпревар се игра во Велс, додека реваншот е закажан за 15 јули со почеток во 20:30 часот во Скопје.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
На европската сцена се враќа и Вардар, кој ќе го одмери силите со Ла Фиорита од Сан Марино. Скопскиот тим ќе биде домаќини на првиот натпревар, кој ќе се одигра на 10 јули, исто така со почеток во 20:30 часот на арената „Тодор Проески“.
Работнички, кој доби зелено светло пред Силекс за настап во квалификациите за Конференциската лига, ќе го пречека белорускиот Торпедо Белаз на 17 јули од 18:00 часот. Истовремено, Силекс, кој своите натпревари ќе ги игра на тренинг-центарот „Петар Милошевски“, истиот ден ќе излезе на мегдан со црногорскиот Дечиќ во термин од 19:00 часот.
Учество во игри на среќа е дозволено за лица со 18+ години. Играј одговорно!