Швајцарците пишуваат: Ѓоковиќ од херој до предавник и слуга

Новак Ѓоковиќ во Србија е славен како национален херој, а потоа еден израз на поддршка за студентските протести го стави под удар на режимските медиуми и властите, иако претседателот Александар Вучиќ е воздржан поради неговата популарност.

Ова го пишува швајцарскиот дневен весник „Тагесанцајгер“ (Tagesanzeiger) во текстот за најдобриот тенисер во историјата и актуелните настани во Србија.

„Режимските медиуми во Србија тврдат дека претседателот Александар Вучиќ е од сите страни окружен со непријатели, а последниот од тие непријатели е Новак Ѓоковиќ. Веќе неколку недели Ѓоковиќ, ѕвезда на тенисот, стана мета на кампањата за омаловажување од тие медиуми.

Години наназад беше славен како национален херој, одликуван со бројни национални одликувања и славен како најголем амбасадор и патриот на Србија од битката против Турците на Косово во 1389 година. Но сега, националната икона во српските медиуми се претставува како национален предавник“, пишува весникот.

Иако Ѓоковиќ не го критикуваше директно претседателот Александар Вучиќ, неговата поддршка за студентските протести беше доволен причина медиумите во Србија да не известуваат повеќе за неговите успеси и да го „игнорираат“, пишува „Тагесанцајгер„.

Фото: Принтскрин