Шпанците стравуваат: Јамал за да игра на Мундијалот треба да ризикува посериозна повреда?!

Светското првенство 2026 година треба да биде сцената на која Ламине Јамал ќе го покаже својот суперстар статус, но постои реална опасност ова натпреварување да го изгуби еден од своите најголеми таленти. Шпанското чудо од дете блесна на Еуро 2024 година, и се чини дека 18-годишниот играч, две години подоцна, бил подготвен повторно да засвети.

Наместо тоа, неговото учество е ставено под знак прашање поради повреда на задната ложа што ја доби при завршувањето на сезоната со Барселона. Иако е ставен на списокот патници за Светското првенство, останува да се види какво влијание може да има, пишува Goal.com во текстот со наслов „Ламине Јамал сака да биде дел од Светското првенство, но повредите можат да го нарушат турнирот за шпанското чудо и генерацискиот играч“.

Несреќен момент и страв од најлошото

Сето започна во наизглед безопасен момент кој доведе во прашање дали Јамал ќе биде подготвен за Светското првенство. Само неколку секунди откако реализираше пенал за победа против Селта Виго на 22 април, крилниот играч сигнализираше кон клупата и падна на тревата. Радоста на неговите соиграчи брзо се претвори во загриженост.

Од тогаш не одигра натпревар, а првите извештаи сугерираа дека Барселона се плаши дека има пукање на задната ложа на левата нога. Ваквата повреда би барала закрепнување до осум недели, без гаранција дека потоа ќе биде подготвен за натпревари. Сепак, од клубот порачаа дека ќе биде подготвен за Светското првенство, што покажува колку е важен за шпанската репрезентација.

“Тестирањата потврдија дека Јамал ја повредил задната ложа на левата нога. Играњето ќе се третира со конзервативно лекување. Ќе го пропушти остатокот од првенствената сезона, но се очекува да биде на располагање за Светското првенство”, соопшти клубот, а истото го потврди и тренерот Ханси Флик.

Сезона прекинувана од повреди

Ова беше само последен во серија проблеми за младиот играч во сезона нарушена од повреди. На самиот почеток на сезоната, Јамал пропушти пет натпревари поради пубалгија – хроничен проблем со препоните кој исто така мачеше и Кол Палмер, за време на поголемиот дел од сезоната 2025/26.

Оваа повреда, позната и како спортска хернија, често ги погодува спортистите кои изведуваат експлозивни движења и промени на насоката, како брзите крилни играчи. Во септември, Јамал беше и во центарот на спор меѓу клубот и репрезентацијата откако ја влошил повредата за време на должностите со Шпанија, која беше обвинета дека не се “грижела” за својот играч. По тоа, тој го пропушти и собирот во ноември, а Барселона сигурно не сака ново слично сценарио.

Позитивни знаци од тренингот

Значителен напредок во врска со најновата повреда на Јамал беше виден кон крајот на мај, кога објави видео на кое го означува своето враќање на терените и работи со топка во тренинг центарот на Барселона. Снимката каде што вешто со пета ја префрла топката преку тренинг-кукличка па додава, како да беше одговор на сите прашања за неговата подготвеност.

Објавата дојде два дена откако Јамал, и покрај сомнежите, беше вклучен на списокот на шпанската репрезентација за Светското првенство, и тоа скоро три недели пред првиот натпревар на Ла Роха на 15 јуни против Зеленортските острови.

Поделени мислења за ризикот

Историјата на светските првенства е полна со случаи во кои селекторите го ризикуваат учеството на неспремни ѕвезди, а се чини дека и Јамал може да биде еден од најистакнатите примери во последно време. Наводно, може да ги пропушти првите два натпревари и да се врати само за третата и последната средба во групната фаза против Уругвај на 27 јуни.

Според „Мундо Депортиво“, постојан дијалог се водеше помеѓу Барселона и докторите на шпанската федерација, кои се согласија дека младиот играч не треба да биде притиснат во првите два натпревари. Сепак, шпанскиот селектор Луис де ла Фуенте претходно нагласи дека очекува Јамал и останатите да бидат достапни од самиот почеток.

“Верувам дека Ламин, Нико Вилијамс и Микел Мерино ќе бидат на располагање за првиот натпревар на Светското првенство, а ако не, ќе бидат за вториот или третиот. Тоа не прави поголеми проблеми. Повредите ставаат притисок на нас. Од било каква повреда која сега се случи, па и најмалата, е тешко да се закрепне”, рече на конференцијата за медиуми.