Кошаркарската репрезентација на Словенија е повторно соочена со проблеми пред Евробаскетот. По надминувањето на потешкотиите со недоаѓањето на Влатко Чанцар на подготовките, се појавија нови, кои сега вклучуваат и Зоран Драгиќ.
Искуствениот 36-годишен Драгиќ претходно најави дека по Евробаскетот ќе ја заврши својата репрезентативна кариера, но тој нема да настапи на натпреварувањето.
ВАР во македонскиот фудбал – Разговор со Дејан Јакимовски | Уште еден поткаст
Селекторот на Словенија, Александер Секулиќ, објави нов список од 14 играчи на кои смета за Евробаскетот, а на него го нема името на Драгиќ.
“По неделниот натпревар, се соочивме со најтешкиот предизвик – намалувањето на бројот на играчи. Овој пат беше уште потешко, бидејќи се збогувавме не само со Жига Данеу, туку и со Зоран Драгиќ, кој години наназад беше важен дел од репрезентацијата и придонесе за нејзините најголеми успеси. Им благодарам на нивната посветеност и професионалност,” изјави Секулиќ.
Драгиќ се уште не се огласил, но неговата сопруга Светлана објасни дека Зоран самиот ја напуштил репрезентацијата.
Учество во игри на среќа е дозволено за лица со 18+ години. Играј одговорно!