Шкотски навивачи поминале низ хорор: Биле малтретирани и понижувани во Загреб?!

Многу навивачи на Селтик ден пред натпреварот против Динамо во Лигата на шампионите (1:1), а и во вторникот, на денот на натпреварот, пријавија дека во Загреб биле нападнати, ограбени и удирани од многу локални хулигани. Шкотските медиуми и посветија големо внимание на оваа тема. „Glasgow Live“ пренесе извештај на загрепската полиција со наслов “Навивач на Селтик прободен, а друг нападнат и понижен”. Во текстот се пишува: “Загрепската полиција објави дека многу млади луѓе се приведени поради напади на навивачи на Селтик на улицата „Опатовина“ и улицата Гајева.”

Шкотите додаваат: “Во првиот инцидент шест млади луѓе се приведени откако се обиделе да ограбат и сериозно повредиле 38-годишен државјанин на Велика Британија. Оваа група му пристапила на човекот откако излегол од ресторан, барајќи од него да им даде пари и мобилен телефон.

Британецот тоа го одбил, на што тие му се заканиле со смрт. Човекот побегнал, но шестмината го бркале и го нападнале. Го удирале додека бил на земја и му нанеле прободна рана на раката. Британецот е пренесен во Клиничката болница каде што е утврдено дека е тешко повреден.”

Во врска со вториот инцидент, „Glasgow Live “пишува: “Во него еден 19-годишен младинец бил нападнат без никаква причина додека одел по улица со пријателите. Полицијата извести дека бил удрен во главата, по што паднал на земја. Напаѓачите продолжиле да го удираат додека лежел на земјата, а потоа избегале.

Полицијата истакнува дека напаѓачите го ставиле тинејџерот во понижувачка положба и го повредиле. Напаѓачите се предадени на надзорникот на притворот, а специјален извештај за нивниот напад е предаден на одделот за млади на Државното обвинителство во Загреб.”