Севиља го испрати Навас во пензија, еден момент го расплака Шпанецот како мало дете (Видео)

Предпоследниот декемвриски ден во Севиља помина во емотивен дух, бидејќи истоимениот шпански клуб организираше церемонија по повод завршувањето на кариерата на Хесус Навас, кој најдолго време помина на “Рамон Санчез Писхуан”.

Освен четиригодишниот период во Манчестер Сити за време на минатата деценија, поранешниот шпански репрезентативец практично целосната кариера ја помина во Севиља, па не е чудно што клубот реши на ваков начин да му се оддолжи.

Севиља организираше шпалир низ кој помина Навас, поздравувајќи се со присутните додека одекнуваше громогласниот аплауз на публиката во најголемиот андалузиски град.

Во текот на обраќањето пред присутните, Навас постојано беше на работ на солзи, но не можеше да се воздржи кога на теренот влегоа ќерките на покојниот Хосе Антонио Рејес и синот на Антонио Пуарта, некогашните соиграчи на Хесус кои повеќе не се меѓу живите.

♾️ Las hijas de José Antonio Reyes y el hijo de Antonio Puerta nos han regalado un momento de mucha emoción ❤️#GraciasNavas #DespedidadeLeyenda pic.twitter.com/IVSbBBGsu5

— Sevilla Fútbol Club (@SevillaFC) December 30, 2024