Ливерпул го најде “новиот Салах”, но Баерн Минхен му ги нарушува плановите!

Во центарот на вниманието е младиот репрезентативец на Брегот на Слоновата Коска – Јан Диоманде, кој во моментов игра за РБ Лајпциг.

Според написите на “SPORTBILD”, Ливерпул веќе подолг период го следи развојот на овој офанзивец и го гледа како потенцијално долгорочно решение во нападот.

Во англискиот клуб наводно веруваат дека Диоманд поседува карактеристики кои би му овозможиле еден ден да ја преземе улогата слична на онаа што ја има Мохамед Салах.

Меѓутоа, плановите на Ливерпул би можел да ги наруши Баерн Минхен, кој во последно време сериозно се вклучи во трката за неговиот потпис.

Баварскиот гигант бара млади и перспективни играчи кои би можеле во идните сезони да го носат тимот, а Диоманд се вклопува во тој профил.

РБ Лајпциг е познат по тоа што развива млади фудбалери и ги продава за значителни суми, така што се очекува да не го пушти својот играч лесно.

Интересот на два европски гиганти дополнително ја покачува цената на младиот напаѓач, но и неговиот статус на меѓународната сцена.

Диоманд се истакнува со брзина, пробивност и способност да игра на повеќе офанзивни позиции.