Серхио Рамос пристигна на место да ја купи Севиља

Шпанската легенда Серхио Рамос пристигна во Севиља за на лице место да води преговори околу евентуалното купување на клубот.

Неговата идеја е така овој процес да се заврши побрзо. Легендарниот дефанзивец не сака да чека повеќе и следниве денови има закажани неколку состаноци со големите акционери во клубот и други клучни фигури во процесот на продажба. Со него ќе биде и неговиот адвокат Хулио Сен.

Поддржан од неколку значајни инвеститори, поранешниот капитен на Реал Мадрид нуди околу 400 милиони евра, што ги вклучува и долговите на клубот. Токму овие обврски се клучен елемент кој Севиља треба да го разјасни, со цел да се одреди и соодветно намали крајната цена на акцијата.

Сопственоста на клубот е распределена меѓу шпанската акционерска компанија Sevillistas de Nervion S.A, американската инвестициона компанија 777 Partners, Рафаел Карион Морено и доверливците на навивачите.

Интерес за акциите на клубот имаше и од една американска компанија, чијшто име не беше разоткриено, но во моментов изгледа дека таа е надвор од играта.

39-годишниот Серхио Рамос е воспитаник на Севиља. Тој играше за тимот од 2004 до 2005 година, пред да се врати за уште една кампања во сезоната 2023/2024. Во моментов е без клуб, но не го најавил крајот на својата кариера.