Се појави нова опција за Џеко: Седумкратниот шампион на Италија тргнува по неговиот потпис!

Босанскиот фудбалер Един Џеко (39), кој откако се раздели со Фенербахче се наоѓа со репрезентацијата, би можел набрзо повторно да се врати во Серија А, а интерес за него пројави уште еден клуб.

По завршувањето на договорот со Фенер, Џеко е слободен играч и последниве денови Комо беше споменуван како можен нов клуб.

Сепак, според добро информираниот Никол Шира, и Болоња влезе во игра, нудејќи му на Дијамантот едногодишен договор со можност за продолжување до 2027 година, и во моментов се водат преговори.

🚨 Excl. – #Bologna сака да договори Един #Dzeko како слободен играч. Преговорите се во тек. Понуден е договор до 2026 година со можност за 2027. #transfers

— Nicolò Schira (@NicoSchira) June 8, 2025

Станува збор за тим со седум титули шампион на Италија, кој во последните две сезони е во одлична форма, а тоа го потврди и со учеството во Лигата на шампионите минатата сезона.

Оваа сезона го освоија Италијанскиот куп, што е прв трофеј по 41 година, и следната сезона ќе настапуваат во Лигата на Европа.