Саудиски клуб спреми импресивна понуда за Рафиња, од Барселона се спремни за разделба

Саудискиот Ал-Хилал е подготвен повторно да го шокира светот на фудбалот, информираат каталонскиот весник “Спорт”.

Откако беа поврзувани со различни големи имиња како Мохамед Салах и Винисиус, “лидерите” сега се насочиле кон крилото на Барселона Рафинја. Од Ал-Хилал се подготвени да понудат солидна понуда од 100 милиони евра за играчот и уште поимпресивен личен договор во вредност од 200 милиони од европската валута за следните четири години.

Бразилецот игра најдобрата сезона во својата кариера и досега има постигнато 30 голови и 23 асистенции во 49 натпревари со екипата на “блауграна”, а овие бројки го направија еден од најважните фудбалери на тимот. Сепак, тој има договор само за уште две сезони, на крајот од кои ќе биде на 30 години.

Можно е да не бидат лесни разговорите за ново спогодба, бидејќи неговите претстави во моментот сугерираат сериозно подобрување на условите на играчот, но во исто време, зголемената возраст и демонстрираната нестабилност низ годините би можеле да станат пречка во слични преговори.