Салах и Ван Дајк си заминуваат од Ливерпул, но ќе останат соиграчи

Мохамед Салах и Вирџил ван Дајк кариерата наводно ја продолжуваат во екипата Ал-Хилал од Саудиска Арабија.

Години наназад, Мохамед Салах и Вирџил ван Дајк беа дел од големиот Ливерпул. Сепак, дојде време за разделба и од лето тие повеќе нема да бидат дел од тимот од „Енфилд“.

Заедно ќе заминат кон Саудиска Арабија. Медиумите од оваа земја тврдат дека Ал-Хилал постигнал договор со двата фудбалера и тие наредното лето пристигнуваат во Ријад.

„Ал-Хилал има постигнато прелиминарни договори со Мохамед Салах и Вирџил ван Дајк. Тие ќе дојдат по истекот на договорите со Ливерпул“, изјави новинарот Халед Ќинан.

Саудискиот клуб денес се ослободи од услугите на Бразилецот Нејмар и сега има отворен пат да ги потпише Салах и Ван Дајк.