КРИСТИЈАНО РОНАЛДО жестоко ги нападна критичарите на неговиот соиграч Жоао Феликс поради неговиот премин во саудискиот Ал-Наср, нарекувајќи ги „идиоти“. Трансферот на Феликс од Челси, кој минатото лето чинеше 30 милиони евра и може да порасне до 50 милиони со бонуси, предизвика многу дискусии во фудбалскиот свет.
Многумина беа изненадени што 25-годишниот Португалец се одлучи да го напушти европскиот фудбал. Оваа одлука дојде по турбулентен период. Феликс минатото лето се пресели на Стамфорд Бриџ од Атлетико Мадрид, откако претходно беше на позајмица во истиот клуб во 2023 година. Иако во првата половина од таа сезона одигра 20 натпревари, само три натпревари започна како стартер во Премиер лигата пред јануарската позајмица во АЦ Милан. Во дресот на Ал-Наср веќе одигра пет натпревари, постигна хет-трик на дебито и асистираше еднаш.
Данска vs. Македонија: Како тие се справуваат со отпадот, додека ние се расправаме кој е крив?
Откако популарниот португалски подкаст Чувеирино во еден од своите сегменти ја доведе во прашање одлуката на Феликс, Роналдо го изрази своето мислење на Инстаграм.
“Идиоти не разбираат ништо од фудбал, а сепак даваат мислења”, напиша Роналдо, додавајќи три емотикони кои плачат од смеење. Неговиот коментар подоцна беше отстранет, а од профилот на подкастот објавија порака со прашање дали заслужуваат ваков напад откако редовно го пофалуваат.
Учество во игри на среќа е дозволено за лица со 18+ години. Играј одговорно!