Рашфорд најави заминување, Аморим експресно му одговори!

Тренерот на Манчестер Јунајтед Рубен Аморим денеска повторно говореше за статусот на Маркус Рашфорд.

Големо внимание предизвика интервјуто на Рашфорд во кое тој индиректно ја отвори вратата за својот трансфер од Манчестер Јунајтед, бидејќи како што рече “подготвен е за нови предизвици”.

“Во право е! Ние тука имаме поставено некои предизвици, најтешки во фудбалот. Се наоѓаме во тешка ситуација и се надевам дека тој, како и сите мои играчи, ќе бидат подготвени”, рече Аморим, а потоа ја објасни својата позиција за Рашфорд.

“На Јунајтед му се потребни играчи со големи таланти, а талентот на Рашфорд е огромен, затоа и очекуваме да игра на највисоко можно ниво. Тоа е мојот единствен фокус. Тука сум за да му помогнам на Маркус, кога тој е подобар, Јунајтед е подобар. Пробав различни нешта за да го поттикнам Рашфорд до највисокото ниво кое го покажуваше во минатото”, истакна Аморим.

Сепак, останува отворено што Аморим го изостана Рашфорд од претходното дерби на Манчестер, и поради тоа Португалецот беше прашан дали ќе биде во составот за дуелот со Тотенхем во Лига купот.

“Ако тој, како и Гарначо, тренираат добро, тогаш ќе имаме поголем избор. Очекувам најдоброто од секој мој играч, но секој ден”, истакна Аморим.

Натпреварот Тотенхем – Манчестер Јунајтед е на програмата во четврток во 21.00 часот.